Ki dkhot Baibl - U Nongpynim ba isynei

Mathaios 9:12-13

12Te haba U Jisu u la ïohsngew, u la ong ha ki, “Ki bakhiah kim donkam ïa u nongpynkhiah, hynrei, ki bapang keiñ; 13hynrei, khie leit ma phi to hikai [lane "nang"] kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

Hebru 4:14-16

14Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla. 15Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop. 16Namar kata te, to ngin ïawan hajan da ka jingshlur ha ka khet ka jingaiei, ba ngin ïoh pdiang ka jingisynei, bad ba ngin ïoh shem ka jingaiei ïa ka ban ïarap ïa ngi ha ka por ba-donkam.

Hebru 5:1,2

Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop: uba lah ban shah jem [lane "sngewsynei"] bad kita ki bymtip bad kiba bakla; naba ïa u hi ruh, la ker sawdong da ka jingtlot.

U Tynrai jong ka jingisynei  

Salm 86:15

Hynrei, me, A Trai, me long U Blei uba dap ka jingisynei bad ka jingaiei, uba jynsur ïa ka jingbitar, bad uba kynrei ka jingisynei bad ka jingshisha.

Salm1 45:8

Ki jaiñ jong me baroh ki iw mirr, bad aloes, bad kassia; na ki ïingsyiem kiba da ki bniat hati ki jingtem ksai ki la pynkmen ïa me.

Sngewsynei 3:22-26

22Ka long na ki jingisynei U Trai ba ym shym la bam duh ïa ngi, naba ki jingsngewsynei jong u kim duh. 23Ki long ki bathymmai man ka step; kaba khraw ka jingïaineh jong me. 24“U Trai u long ka bynta jong nga,” ong ka mynsiem jong nga, “namar kata, ngan kyrmen ha u.” 25U Trai u long u babha ïa kita kiba ap kyrmen ha u, ïa kata ka mynsiem kaba wad ïa u. 26Ka babha ïa u briew ba un kyrmen bad ba un ap jar jar ïa ka jingpynim ka jong U Trai.

Sngewsynei 3:31-33

31Naba U Trai un ym kyntait noh ha la ka rta. 32Naba la u pynsngewsih, pynban, un sngewsynei katba kum ka jingbun ki jingisynei jong u. 33Naba um pynshitom sngewbha, lymne pynsngewsih ïa u khun bynriew.

Mikah 7:19

Un phai pat bad un isynei ïa ngi; un ïuh ïa ki jingbymhok jong ngi hapoh ki sla'jat jong u: bad men bred ïa ki pop jong ki ha kiba jylliew ka duriaw.

U Jisu u isynei ia kiba shah ialam bakla 

Mathaias 9:36

Bad haba u la ïohi ïa ki paidbah, u la sngewsynei namar jong ki, naba ki long kiba la sakma bad kiba la saphred ruh, kum ki langbrot ki bymdon u nongsharai.

Markos 6:34

Haba U Jisu te u la mih noh, u la ïohi ïa u paidbah babun, bad u la sngewsynei ïa ki, naba ki long kum ki langbrot khlem u nongsharai; te u la sdang ban hikai bun kiei kiei ruh ïa ki.

U Jisu u isynei ia kiba pang kiba shitom 

Mathaias 14:14

Haba U Jisu ruh u la mih noh, u la ïohi ïa u paidbah babun, bad u la sngewsynei ïa ki bad u la pynkhiah ïa ki bapang jong ki.

Mathaios 20:29-34

29Te haba ki leit noh na Jerikho, u paidbah babun u la bud ïa u. 30Ha khmih ruh, haba ar ngut ki bamatlah kiba shong harud lynti ki la ïohsngew ba U Jisu u ïaid lait, ki la ïakyrpad jam, ki da ong, “Ko Trai, U Khun u Dabid, to isynei ïa ngi.” 31Uta u paidbah te u la sneng ïa ki, ba kin sngap jar, hynrei, ki la ïakyrpad kham tam, ki da ong, “Ko Trai, U Khun u Dabid, to isynei ïa ngi.” 32Te U Jisu haba u la ïeng, u la khot ïa ki, bad u la ong, “Phi mon ba ngan leh aïu ïa phi?” 33Ki la ïa-ong ha u, “Ko Trai, ban pynpeit ïa ki khmat jong ngi.” 34U Jisu te ba u la sngewsynei, u la ktah ïa ki khmat jong ki: te kumne kumne ruh ki khmat jong ki, ki la peit, bad ki la ïabud ïa u.

Markos 1:40-41

Te u bapang 'ñiangthohlieh u la wan ha U, u da kyrpad ïa U, bad u da dem khohsiew ha U, bad u da ong ha U, “Lada me mon, me lah ban pynkhuid ïa nga.” Te U Jisu haba U la sngewsynei, U la kner ïa la ka kti bad U la ktah ïa u, bad U ong ha u, “Nga mon; to men long khuid.” 

Markos 5:19

Te um shah ïa u, hynrei, U ong ha u (uba shong ksuid ba la ioh jingpynkhiah), “Khie leit sha la ïing sha la ki jong ruh, bad to ïathuh ha ki, ïa kaba katno ba U Trai u la leh ïa me, bad kumno u la isynei ïa me.”

U Jisu u isynei ia kiba iapthngan

Mathaios 15:32

Haba U Jisu te u la khot ha lade ïa ki synran jong u, u la ong, “Nga sngewsynei ïa u paidbah; naba ki la ïaishong bad nga mynta la lai sngi, bad kim don ei ei ruh ban bam; te ngam mon ban phah noh jingit ïa ki, ba ïoh ki ïapler ha lynti.”

U Jisu u isynei ia ki briew kiba duh noh ia kiba ieit 

Loukas 7:12,13

Te katba U la wan hajan ka khyrdop kata ka shnong, ha khmih, ki ïabah shabar ïa uba la ïap, u khun marwei ka kmie jong u, bad ka ruh ka long ka riewkynthei; bad bun u paidbah na kata ka shnong u la don lem bad ka. Haba U Trai te U la ïohi ïa ka, U la sngewsynei ïa ka, bad U la ong ha ka, “To wat ïam.”

Ki Nongbud bashisha jong U Jisu ruh kin long kiba isynei

1 Petros 3:8

Te ha kaba wai noh, to da long baroh kiba ïamut kajuh, kiba ïashah [lane "isynei"] lem, kiba ïa-ieit kum shipara, kiba jemnud, kiba sngewrit.

Mathaios 5:7

Suk ki ba-isynei: naba yn isynei ïa ki.

Ephesos 2:4-9

4Hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi, 5wat mynba ngi la long ki baïap da ki jingryngkang jong ngi, u la pynim ïa ngi lem bad U Khrist (da ka jingaiei la pynim ïa phi), 6bad u la pynmih ïa ngi lem bad u, bad u la pynshong ïa ngi lem bad u ha ki jaka bneng, ha U Khrist Jisu; 7ba un ïoh pyni ha ki rta ki ban sa wan, ïa kata ka jingkynrei eh ka jingaiei jong u, ha ka jinglehsbun sha ngi ha U Khrist Jisu. 8Namar da ka jingaiei la pynim ïa phi, da ka jingngeit keiñ; kata ruh, ym na phi hi; ka long ka jingai U Blei: 9ym da ki jingleh keiñ, ba uno uno ruh un ym ïoh ban sngewsarong.